పవన్ కళ్యాణ్ అభిమానులు ఎప్పుడెప్పుడా అని ఆశగా ఎదురుచూస్తున్న ‘అత్తారింటికి దారేది’ టీజర్ నిన్న బయటకు వచ్చింది. 23 సెకండ్స్ వ్యవధితో ఉన్న ఈ టీజర్ ను చూసి పవన్ అభిమానులు ఖంగారు పడుతున్నారట. ఈ టీజర్ లో పవర్ స్టార్ పవన్ కళ్యాణ్ దట్టమైన మంచు మాటున అతడి స్టైల్ లో నడుస్తూ వస్తుంటే, అతడి వెనకాల ఆరు మోటార్ సైకిల్స్ పై ఆరుగురు యువకులు వస్తూఉంటారు. బ్యాగ్ గ్రౌండ్ లో “వీడు ఆరు అడుగుల బుల్లెట్, హాయ్ హాయ్ హాయ్ వీడు ధైర్యానికి నిండినా రాకెట్” అనే పాట వస్తూ ఉంటుంది. కాని ఈ పాటను చూసిన అభిమానులు మాత్రం ఈ పాట ట్యూనింగ్ ఏమంత ఎనేర్జిటిక్ గా లేదని, అంతేకాక తమ హీరో పవనిజాన్ని హైక్ చేసే అంతగా ఈ పాట ఉపయోగ పడదని పవన్ అభిమానులు ఖంగారు పడుతున్నారట.
ఎనేర్జిటిక్ సాంగ్స్ కు కేరాఫ్ అడ్రెస్ గా ఉండే దేవి శ్రీ ప్రసాద్, ఇలాంటి పాటలు తమ హీరోకు కంపోస్ చేశాడు ఏమిటి..? అంటూ భయపడి పోతున్నారు. ఫస్ట్ లుక్ అదిరింది అన్న ఆనందం కలిగిన కొన్ని గంటలలోనే దేవిశ్రీ నుంచి ఇదేమి షాక్ అంటూ పవర్ స్టార్ అభిమానులు షాక్ అయిపోతున్నరనే వార్తలు వస్తున్నాయి. ఈ టీజర్ బట్టి చూస్తే, ఈ పాట ఈ సినిమాకు హీరో ఇంట్రడక్షన్ సాంగ్ లా కనిపిస్తోంది. మరి మిగతా పాటలు ఎలా ఉంటాయి అని తెలియాలి అంటే వచ్చే శుక్రువారం 19 వ తారిఖు వరకూ ఆగాలి.
