ప‌వ‌ర్ స్టార్ దెబ్బకి బాలీవుడ్ కూడా షేక్ అయింది

ప‌వ‌ర్ స్టారా మ‌జాకా..! ఆయ‌న ప్రభంజ‌నం ఒక్క టాలీవుడ్ .. సౌత్ కే కాదండోయ్ . బాలీవుడ్ కు కూడా పాకింది. ప‌వ‌ర్ స్టార్ న‌టించ‌న లేటెస్ట్ మూవీ “అత్తారింటికి దారేది” విడుద‌ల‌కు ఎన్నో అవాంతరాలు ఎదురైన‌.. ఎట్టకేల‌కు శుక్రవారం ప్రపంచ వ్యాప్తంగా విడుద‌లై పాజిటివ్ టాక్ తెచ్చుకుంది.ప్రపంచ వ్యాప్తంగా రెండు వేల‌కు పైగాథియెట‌ర్స్ లో విడుద‌లైన ఈ చిత్రం కు అద్భుత‌మైన రెస్పాన్స్ వ‌చ్చింది. రెండో రోజూ కూడా అదే క‌లెక్షన్స్…అలాగే ధియేట‌ర్స్ హౌస్ పుల్ అయిపోతున్నాయి.

నిజానికి తెలుగు లోనే కాకుండా.. త‌మిళ‌, క‌న్నడ , మ‌ల‌యాళంలో కూడా తెలుగు ప్రేక్షకుల కోసం కొన్ని థియేట‌ర్స్ లో అత్తారింటికి దారేది సినిమాను రిలీజ్ చేయ‌డంతో… హింది హీరో ర‌ణ‌బీర్ క‌పూర్ త‌న న‌టించిన లేటెస్ట్ ఫిల్మ్ “బెష‌ర‌మ్” ను అక్టోబ‌ర్ 2 న విడుద‌ల చేయ‌డానికి వెన‌క‌డ‌గు వేస్తున్నాడ‌ని తెలుస్తుంది. ఎందుకంటే.. ప్రస్తుతం ఈ సినిమాను సౌత్ లో ఈ టైమ్ లో విడుద‌ల చేస్తే.. త‌న సినిమాకు క‌లెక్షన్స్ రావ‌డం క‌ష్టమేన‌ని భ‌య ప‌డుతున్నాడ‌ట‌. దీంతో బెష‌రమ్ విడుద‌లను ఒక వారం పాటు వాయిదా వేసుకునే ఆలోచ‌న‌లో ఉన్నట్లు బాలీవుడ్ క‌బ‌ర్. . ఏమైనా ప‌వ‌న్ సినిమా ఎఫెక్ట్ బాలీవుడ్ కు త‌గ‌ల‌డం విశేషం…!