‘‘ప్రేమ చాలా మధురమైనది. ప్రతి ఒక్కరూ జీవితంలో ఒక్కసారైనా ప్రేమలో పడాలి’’ అన్నారు హన్సిక. ఆ అనుభూతిని హన్సిక అనుభవించిన విషయం అందరికీ తెలిసిందే. తమిళ హీరో శింబూతో తన ప్రేమాయణాన్ని ట్విట్టర్ ద్వారా ప్రపంచానికి చెప్పారు హన్సిక. ఈ బ్యూటీ ప్రకటించిన రోజునే శింబు కూడా హన్సికతో తన ప్రేమను బహిర్గతం చేశారు. ఈ ప్రేమ పెళ్లి వరకు వెళుతుందని చాలామంది ఊహించారు. అయితే అంతవరకు వెళ్లకుండానే శింబు, హన్సికల ప్రేమకు ఫుల్‌స్టాప్ పడిందనే వార్త ప్రచారంలో ఉంది. ఈ బ్రేకప్ నిజమేనా? అని హన్సిక దగ్గర "ఇ24తెలుగు.కామ్" ప్రస్తావించగా - ‘‘బ్రేకప్ అయ్యాం అని అందరూ ప్రచారం చేస్తున్నారు. నిప్పు లేనిదే పొగ రాదు కదా.
దీన్నిబట్టి మీరే అర్థం చేసుకోవచ్చు. కారణాలను విపులంగా ఎందుకు చెప్పడంలేదంటే.. అవతలి వ్యక్తంటే నాకు గౌరవమే. అతనికీ కుటుంబం ఉంది. ఆ కుటుంబాన్ని నేను గౌరవించాలిగా’’ అని చెప్పారు. రాంగ్ పర్సన్‌ని సెలక్ట్ చేసుకున్నామనే ఫీలింగ్ ఉందా? అన్న ప్రశ్నకు -‘‘ఈ ప్రపంచంలో ఎవరూ రాంగ్ కాదు.. ఎవరూ కరెక్ట్ కాదు. మంచీ చెడుకి కారణం సందర్భం, టైమ్ కారణం’’ అన్నారు. శింబూతో నయనతార సినిమా చేయడమే ఈ బ్రేకప్‌కి కారణం అనే టాక్ ఉందనే ప్రశ్నకు సమాధానంగా -‘‘నేను అతనితో మాట్లాడి కొన్ని నెలలయ్యింది.
దీని గురించి ఏమీ కామెంట్ చేయలేను’’ అన్నారు హన్సిక. భవిష్యత్తులో జాగ్రత్తగా నిర్ణయాలు తీసుకోవాలనుకుంటున్నారా? అని హన్సికను అడిగితే -‘‘అలాంటిదేం లేదు. నేను చాలా పాజిటివ్ పర్సన్‌ని. ఒకవేళ నా ఆరోగ్యం బాగాలేక ఐసియులో అడ్మిట్ అయ్యాననుకోండి. చికిత్స పూర్తి చేసుకుని బయటికొచ్చిన తర్వాత ‘థాంక్ గాడ్. మస్త్ ఎక్స్‌పీరియన్స్’ అంటాను. సో.. దేన్నయినా ఓ మంచి ఎక్స్‌పీరియన్స్‌గానే భావిస్తాను’’ అన్నారు.
No comments:
Post a Comment