క్రితం సంవత్సరం పవన్ నటించిన ‘కెమెరామెన్ గంగతో రాంబాబు’ సినిమా విడుదలకు ముందు కూడా ఇలాంటి ప్రచారమే జరిగింది. ఆ సినిమాలో ప్రీ క్లైమేక్స్ సన్నివేశాలు అదుర్స్ అనీ పవన్ నటనకు ప్రేక్షకుల వెంట్రుకలు నిక్కపోడుచుకుంటాయనీ ఆసినిమా దర్శకుడు పూరిజగాన్నాద్ జనాన్ని ఊదరగొట్టేసాడు, చివరకు ఆ సినిమాలో ఆసన్నివేసాలన్నీ తేలిపోయాయి. పవన్ కళ్యాణ్ తనదైన శైలిలో చెప్పిన డైలాగ్స్ ఆ సినిమాను నిలబెట్ట లేకపోయింది. ప్రస్తుతం అదే ప్రచారం మళ్ళీ మొదలై ‘అత్తారింటికి దారేది’ సినిమాలో పవన్ నటనకు ప్రేక్షకులు మెస్మరైజ్ అవడమే కాకుండా ఏకంగా పవన్ కళ్యాణ్ కు ఈ సినిమా ద్వారా నంది అవార్డు వస్తుందని ప్రచారం మొదలైపోయింది. మీడియాలో వస్తున్న లీక్ ల బట్టీ చూస్తే ఈ సినిమా కధ మామూలు రొటీన్ కధ మాత్రమే. ఇటువంటి కధకు త్రివిక్రమ్ ఇచ్చిన తనదైన ట్రీట్మెంట్ పవన్ మేనేరిజంతో కూడిన పంచ్ డైలాగ్స్ సమంత క్యూట్ లుక్స్ మాత్రమే ఈ సినిమాకు ప్రత్యేక ఆకర్షణలు.
ఇటువంటి పరిస్థుతులలో ఈ సినిమా పట్ల రోజురోజుకు పెరిగిపోతున్న అంచనాల నేపధ్యంలో నంది అవార్డు మాట అటుంచి ఈసినిమా హిట్ కావడం పవన్ కెరియర్ రీత్యా చాలా అవసరం. రోజురోజుకీ అభిమానులలో పెరిగిపోతున్న ఈ సినిమా పట్ల అంచనాలు చూసి ఎమోవుతుందో అని పవన్ కూడా టెన్షన్ లో ఉన్నాడట.....
