కొరటాల శివ దర్సకత్వంలో రామ్ చరణ్ చేస్తాడు అనుకున్న సినిమా ఆఖరి నిముషంలో ఆగి పోవడంతో చరణ్ సినిమాలకు సంబంధించి ప్లాన్ పూర్తిగా అప్సట్ కావడంతో చరణ్ ప్రస్తుతం తన చేతిలో ఏ సినిమాలు లేని స్థితిలో పడిపోయాడు. ఈ పరిస్తుతులలోనే చెర్రీ నిర్మాత డి.వి.వి. దానయ్య సినిమాలో నటిస్తాడు అంటూ వార్తలు వచ్చాయి. ఈ లోపునే దర్శకుడు కృష్ణవంశీ చరణ్ ను కలిసి ఒక కధ చెప్పాడని ఆ కధ చెర్రీకి బాగా నచ్చిందని వార్తలు కూడా వచ్చాయి. ఏదోవిధంగా చరణ్ తో సినిమా తీయాలి అని పట్టుదల మీద ఉన్న బండ్ల గణేష్ కృష్ణ వంశీ కధకు చరణ్ ఒప్పుకున్నాడని తెలియగానే ఈ భారీ మల్టీ స్టారర్ మూవీని నిర్మించడానికి ముందుకు వచ్చినట్లుగా తెలిసింది.
చిరంజీవి తో సినిమాలు చేద్దామని కలలు కనీ ఆ కలలు తీరని కృష్ణవంశీ చిరంజీవి కుమారుడుతో చేసే ఈ సినిమాకు మెగా కుటుంబానికి సన్నిహితుడైన బండ్ల గణేష్ ఈ భారీ ప్రాజెక్ట్స్ కు నిర్మాత కావడం యాదృచ్చికం అనుకోవాలి. ఈ వార్తలే నిజమైతే వచ్చే సంవత్సరం మరో భారీ మల్టీస్టారర్ రాబోతోంది అన్న మాట....
