ముందుగా వచ్చిన వారికి ముందుగా అనుమతి అన్న విదానాన్ని ఏపిఎన్జీఓల విషయంలో పాటించామని సిపి అనురాగ శర్మ చెప్పారు. హైదరాబాద్ లో ఎలాంటి ర్యాలీలకు అనుమతి లేదని చెప్పారు. గురువారం ఆయన విలేఖరుల సమావేశం ఏర్పాటు చేసి ఏపిఎన్జీఓ ల సభకు 19 షరతులు విదించి అనుమతి ఇచ్చామన్నారు. ఈ నెల 8న కావాలంటే సభకు తెలంగాణ వారికి అనుమతిస్తామని తెలిపారు. ఉద్యోగులు తప్ప వేరెవరు హాజరు కావడానికి వీల్లేదని ఆయన స్పష్టం చేసారు.
ఏ ఒక్క సంఘటన జరిగినా ఊరుకునేది లేదని చెప్పారు. మాకు కొంత సమాచారం ఉందని ఆమేరకు చర్యలు తీసుకుంటున్నామన్నారు. ప్రభుత్వ ప్రైవేటు ఆస్తులకు నష్టం కలిగించకూడదని ఆయన తెలిపారు. ఐడి కార్డులేకుండా ఎవరిని సభకు అనుమతించమని చెప్పారు. కాని అనుమతి లేకపోయినా ర్యాలీ చేసి తీరుతామని టిజేఏసి, టి విద్యార్థి జేఏసి లు ఇప్పటికే హెచ్చరించారు. దీంతో హైదరాబాద్ లో ఉద్రిక్త పరిస్థితులు నెలకొన్నాయి.
