పవన్‌ కళ్యాణ్‌ తన ప్రసంగంలో పలుమార్లు తన అన్నయ్య ప్రస్తావన తెచ్చినా కానీ సదరు పుకారు వీరుల చెవులు మూసుకుపోయినట్టున్నాయి. పవన్‌కళ్యాణ్‌ అసలు చిరంజీవి ఊసే ఎత్తలేదని, కేవలం చిరంజీవికి బలం చూపించడానికే ఈ వేడుక చేశాడనీ రాస్తున్నారు. వేడుక చూసిన వారు ఎవరైనా కానీ ఇవి తప్పుడు వార్తలని ఇట్టే గ్రహిస్తారు. అయినా కించిత్‌ సిగ్గు లేకుండా, బుర్ర, బుద్ధి లేకుండా బురద జల్లే ప్రయత్నం చేస్తున్నారు. మీడియాపై నానాటికీ తగ్గిపోతున్న మర్యాద, మన్ననలు ఇలాంటి వార్తల ప్రచారం వల్ల మరింత దిగజారిపోతాయి.
