మ‌ళ్లీ గొంతు విప్పుతున్న ప‌వ‌న్‌

బైబైయ్యే బంగారు ర‌మ‌ణ‌మ్మ‌… సీకాకుళం యాస‌లో ప‌వ‌న్ క‌ల్యాణ్ పాడిన పాట గుర్తుందా? ఖుషీ సినిమాలో బోలెడు హిట్ సాంగ్స్ ఉన్నా – అవ‌న్నీ కాకుండా ఈ పాట‌నే ఎక్కువ పాడుకొంటారు ప‌వ‌న్‌ ఫ్యాన్స్‌! అడ‌పా ద‌డ‌పా ఇలాంటి పాట‌లు పాడుతూనే ఉంటాడు ప‌వ‌న్‌! తొలిసారి ఓ సినిమాకి పూర్తిస్థాయి పాట పాడ‌డానికి సిద్ధమ‌య్యాడు. ప‌వ‌న్ క‌ల్యాణ్ – త్రివిక్రమ్ క‌ల‌యిక‌లో ఓ సినిమా రూపుదిద్దుకొంటోంది. ‘అత్తారింటికి దారేది’ అనే పేరు ప‌రిశీలిస్తున్నారు. ఈ సినిమాకి దేవిశ్రీ ప్రసాద్ సంగీంత ద‌ర్శకుడు. దేవిశ్రీ‌.. ప‌వ‌న్ చేత ఓ పాట పాడించ‌డానికి స‌న్నాహాలు చేస్తున్నాడ‌ట‌. పూర్తి పాట కాద‌నుకోండి. పాట‌కు ముందొచ్చే ప‌దాలు.. ప‌వ‌న్ ప‌లుకుతాడ‌ట‌. వావ్‌… వ‌వ‌న్ ఫ్యాన్స్‌ కి ఇది సూప‌ర్ న్యూసే క‌దూ.