గరం మసాలా

హిందీలో సూపర్‌ హిట్టైన  ’బోల్‌ బచ్చన్‌’ సినిమా వెంకటేష్‌, రామ్‌ హీరోలుగా తెలుగులో రీమేక్‌ అవుతున్న సంగతి తెలిసిందే. వెంకీతో ‘నువ్వు నాకు నచ్చావ్‌’. ‘ మల్లీశ్వరి’ చిత్రాలను తెరకెక్కించిన విజయభాస్కర్‌ ఈ సినిమాకు దర్శకత్వం వహిస్తున్నారు. డి.సురేష్‌బాబు, ‘స్రవంతి’ రవికిశోర్‌ లు నిర్మిస్తున్న ఈ చిత్రానికి ‘గరం మసాలా’ అనే టైటిల్ ఫిక్స్ చేసినట్లు వినికిడి.’ హిందీ బోల్‌ బచ్చన్‌’ లో అజయ్ దేవగన్, అభిషేక్‌ బచ్చన్‌, అసిన్‌, ప్రాచి దేశాయ్ తదితరులు నటించారు. కాగా తెలుగు వెర్షన్ లో అజయ్ దేవగన్ పాత్రలో వెంకీ, అభిషేక్‌ బచ్చన్‌ పాత్రలో రామ్‌ సందడి చేయనున్నారు. వెంకటేష్‌ సరసన అంజలి నటిస్తున్న ఈ చిత్రం ప్రస్తుతం రెగ్యులర్ షూటింగ్ జరుపుకుంటుంది.