ఇదిలావుంటే ఆగస్ట్‌ 7 డేట్‌ వల్ల అత్తారింటికి దారేది చిత్రం చాలా ప్రతికూలతలు ఎదుర్కోనుంది. స్టేట్‌లో అత్యధిక థియేటర్లలో ఎవడు ఆడుతుంటుంది కాబట్టి ఇక్కడ అంతగా థియేటర్లు దొరకవు. అలాగే అదే వారంలో షారుక్‌ఖాన్‌ సినిమా చెన్నయ్‌ ఎక్స్‌ప్రెస్‌ రిలీజ్‌ అవుతోంది కాబట్టి దాని వల్ల ఓవర్సీస్‌, కర్నాటకలో ఈ చిత్రానికి థియేటర్లు ఎక్కువ దొరికే ఛాన్స్‌ లేదు. తమిళంలో విజయ్‌ నటించిన తలైవా కూడా అదే వారంలో వస్తోంది కాబట్టి చెన్నయ్‌, యుఎస్‌లో దాని ప్రభావం కూడా ఈ చిత్రంపై పడుతుంది. ఎటు చూసినా కానీ ఆగస్ట్‌ 7 డేట్‌తో అత్తారింటికి దారేది సమస్యలు ఎదుర్కోనుంది. ఇక అన్నిటికీ మించి ఎవడు చిత్రం కనుక బ్లాక్‌బస్టర్‌ టాక్‌ తెచ్చుకున్నట్టయితే మాత్రం 'అత్తారింటికి దారేది' రిలీజ్‌ ఆగస్ట్‌ 14కి వాయిదా పడవచ్చునట. అదండీ సంగతి!
