సమంత పెద్ద ముదురట!

'చూడ్డానికి అలా కనిపిస్తోంది కానీ... సమంత చాలా అల్లరమ్మాయి. తనని కంట్రోల్ చేయడం ఎవరివల్లా కాదు' - ఈ మాట అంటున్నది ఎవరో కాదు... ప్రముఖ దర్శకుడు  త్రివిక్రమ్.  ఇటీవల ప్రేక్షకుల ముందుకొచ్చిన  `అత్తారింటికి దారేది` సినిమాకోసం వీరిద్దరూ కలిసి పనిచేశారు. ఓ టీవీ చానెల్ చేసిన ఇంటర్వ్యూలో త్రివిక్రమ్,  సమంత పాల్గొన్నారు.

ఈ సందర్భంగా సమంతా గురించి త్రివిక్రమ్ మాట్లాడుతూ... 'సమంత సెట్టైర్లు మామూలుగా వేయదు. చూడ్డానికి అమాయకంగా కనిపిస్తుంది కానీ... బాబోయ్' అంటూ తన మనసులో ఉన్న మాటను చెప్పుకొచ్చాడు. పక్కనే ఉన్న సమంత కలగజేసుకుని... "మీరేమిటండీ బాబూ... నా గురించి అలా చెబుతున్నారు. అక్కడ జనాలు చూస్తున్నారు" అంటూ హోయలుపోయింది. ఈ ముద్దుగుమ్మ ముదురు కాకపోతే త్రివిక్రమ్ మాత్రం ఎందుకు చెబుతాడు. అన్నట్టు అమ్మడిలో నిజంగానే కొంచెం  వెటకారమెక్కువట. తన మాయ మాటలతో ఎవ్వరినైనా బుట్టలో వేసుకోగలదని దగ్గర నుంచి చూసిన త్రివిక్రమ్ లాంటివాళ్ళు చెబుతుంటారు. అలాంటి కళలు ఉన్నందుకే ఇంతగా ఎదిగింది మరీ... !