అన్నదమ్ముల మద్య అగ్గిపెట్టి కాంగ్రెస్ చలికాచుకుంటోంది అన్నారు. ఇంత జరుగుతున్నా ప్రధాన ప్రతిపక్షనేత చంద్రబాబు నాయుడు ఉలకడు పలకడు, ఎందుకంటే హైదరాబాద్ చుట్టూ వేలాది ఎకరాల భూమి తన వారిపేర్లపై చేయించుకున్నాడు, జగనన్న అధికారంలోకి వస్తే ఆయన ఆస్థులకు రక్షణ ఉండదని ఇలా చేస్తున్నాడు అంటూ చంద్రబాబు పై నిప్పులు చెరిగింది. తెలుగుదేశం ఈరోజు అన్ని పార్టీల్లో చచ్చిపోయిందని ఆమె చెప్పారు.
ఇప్పుడు విభజన పేరుతో విడదీస్తే సీమాంద్రుల బతుకులు ఎడారిలా తయారవుతున్నాయని చెప్పింది. కుప్పం నుంచి శ్రీకాకుళం వరకు సముద్రపు ఉప్పునీరు తప్ప మంచి నీళ్లెక్కడివి అని ఆమె ప్రశ్నించింది. నాగార్జునసాగర్, శ్రీశైలం కు నీళ్లెక్కడి నుంచి వస్తాయని ఆమె ప్రశ్నించింది. మద్యలో ఓ రాష్ట్రం వస్తే రైతుల పరిస్తితి ఏంటన్నారు షర్మిల. ఆనాడు విభజనతో సీమాంద్రులకు మద్రాస్ ను దూరం చేస్తే ఇప్పడు హైదరాబాద్ ను విడగొడుతున్నారన్నారు.
60 ఏళ్లుగా హైదరాబాద్ ను అందరం అభివృద్ది చేసామని, ఇప్పుడు ఉద్యోగం, ఉపాది, చదువులు ఏం కావాలన్నా హైదరాబాద్ పై ఆదారపడ్డామని అది దూరమయితే సీమాంద్రుల పరిస్థితి ఏంటని ఆమె ప్రశ్నించారు. అలాంటి హైదరాబాద్ ను నాలుగున్నర లక్షలకు అమ్మాలని చూసాడని ఆమె చంద్రబాబుకు చురకలంటించారు. ఆమె సమైక్య ఆరంభ ఉపన్యాసం అంతా చంద్రబాబును టార్గెట్ గా చేసుకునే సాగడం గమనార్హం.
