ఈ సినిమాకు సంబధించిన స్టిల్స్ కొన్ని ఆ మధ్య లీకై సైట్లలో ప్రత్యక్షం కావడంతో అవక్కయిన యూనిట్ కేసు కూడా పెట్టారు. అయితే ఆ లీకులకు మాత్రం కట్టడి పడలేదు. తాజాగా వచ్చిన మహేష్, కృతి సనన్ లపై చేజింగ్ సన్నివేశాల వర్కింగ్ స్టిల్స్ ఇంటర్ నెట్ లో హాల్ చల్ చేస్తున్నాయి. దర్శకుడు సుకుమార్ ఈ లీకేజ్ పట్ల తీవ్ర అసంతృప్తితో ఉన్నారని చిత్ర యూనిట్ అంటున్నారు.
ఈ లీకుల పట్ల ఎన్ని జాగ్రత్తలు తీసుకుంటున్నా ఎలా ఈ స్టిల్స్ బయటకి వచ్చాయి అని దర్శక నిర్మాతలు తలలు పట్టుకుంటున్నారు. ఈ సినిమాపై అభిమానుల్లో భారీగా అంచనాలు ఉండటంతో పైరసీ జరిగితే నష్టాలు వస్తాయని విశ్లేషకులు అంటున్నారు. ఇదంతా యూనిట్ లోని సభ్యులు చేస్తున్నారా లేక అసలు ఈ లీకుల కోసం బృందం ఏమైనా ఉందా అనే అనుమానాలు కూడా వస్తున్నాయి.
