అనుష్క భాద 'వర్ణ'తీతం...

సినిమా విడుదలకు ముందు ఎంతో హైప్ తెచ్చుకున్న 'వర్ణ' సినిమా బాక్సాఫీసు వద్ద బొక్కబోర్లాపడడం అందర్నీ ఆశ్చర్యానికి గురిచేసింది. కోట్లాది రూపాయలు ఖర్చుపెట్టి ... ఎంతో కాలాన్ని వెచ్చించి నిర్మించిన ఈ చిత్రం ప్రేక్షకులపై ఏమాత్రం ఇంప్రెషనూ వేయలేకపోయింది. కథానాయిక అనుష్క పడిన కష్టం అంతా బూడిదలో పోసిన పన్నీరయింది. వాస్తవానికి ఈ సినిమాపై ఆమె ఎన్నో ఆశలు పెట్టుకుంది.

కెరీర్ చివరిదశలో వున్న తనకు మంచి ఫినిషింగ్ టచ్ ఈ సినిమాతో మొదలవుతుందని ఆమె భావించింది. అయితే, అందుకు భిన్నంగా జరగడంతో అనుష్క బాగా అప్సెట్ అయినట్టు ఆమె సన్నిహిత వర్గాలు చెబుతున్నాయి. అలాగే, ఈ సినిమా ఎఫెక్ట్ ఆమె నటించే ఇతర సినిమాలపై పడుతుందనడంలో సందేహం లేదు. ముఖ్యంగా ఆమె ప్రధానపాత్రధారిగా రూపొందుతున్న 'రుద్రమదేవి' సినిమాపై ఇమ్మీడియేట్ గా ఈ ప్రభావం వుంటుంది.