ఆధునిక హంగుల‌తో ప‌వ‌న్ ఆఫీస్!

ప‌వ‌న్ క‌ల్యాణ్ నిర్మాత‌గా బిజీ అవ్వ‌బోతున్నాడు. త్రివిక్ర‌మ్‌తో క‌లిసి సినిమాలు నిర్మించేందుకు స‌న్నాహాలు చేసుకుంటున్నారు. తొలుత ఇద్ద‌రూ క‌లిసి ‘కోబ‌లి అనే సినిమా చేస్తారు. ఆ త‌ర్వాత యువ‌తరం ద‌ర్శ‌కుల‌ను ప్రోత్స‌హిస్తూ కాన్సెప్ట్ సినిమాల‌ను తీయ‌బోతున్నారు. అందుకోసం ఆఫీసును కూడా సిద్ధం చేశారు.

జూబ్లీహిల్స్ లో ఓ ప్రత్యేక కార్యాల‌యం ఏర్పాటు చేసుకొన్నారు. ఆధునిక హంగుల‌తో ఆ ఆఫీసును సిద్ధం చేశారు. ఇక నుంచి ప‌వ‌న్ కార్య‌కలాపాల‌న్నీ అక్కడ్నుంచే సాగుతాయి. ప‌వ‌న్‌క‌ల్యాణ్ క‌థానాయ‌కుడిగా ప్ర‌స్తుతం ‘గ‌బ్బ‌ర్‌సింగ్ 2' చిత్రం తెర‌కెక్కుతోంది. ఆ సినిమా కూడా ప‌వ‌న్ క‌ల్యాణ్ క్రియేటివ్ వర్క్స్ బ్యాన‌ర్‌పై తెర‌కెక్కుతోంది. అందుకు సంబంధించిన ప‌నులు కూడా ఈ కొత్త ఆఫీసు ద్వారానే సాగబోతున్నాయి.సంపత్ నంది దర్శకత్వం వహించే ఈ చిత్రానికి శరత్ మరార్ నిర్మాత. డిసెంబ‌రు నుంచి ‘గ‌బ్బ‌ర్‌సింగ్‌2' చిత్రం సెట్స్‌పైకి వెళ్ల‌బోతోంది.