కండలు పెంచిన ఈ బ్యాడ్‌బాయ్ ఇటీవ‌ల ఎక్కువ‌గా ఐటెమ్ గీతాల్లో క‌నిపిస్తున్నాడ‌ట సోనూసూద్. ‘ద‌బాంగ్‌’లో మున్నీకి బ‌ద్నామ్ హుయి… పాట నుంచి మొద‌లుపెడితే – ఇటీవ‌ల ప్రేక్ష‌కుల ముందుకొచ్చిన ప‌లు చిత్రాల్లో సోనూ ఐటెమ్‌భామ‌ల‌తో క‌లిసి స్టెప్పులేశాడు. తాజాగా ఆయ‌న ‘ర్యాంబో రాజ్‌కుమార్‌’ చిత్రంలోనూ ఓ ఐటెమ్‌గీతం చేశాడ‌ట. అందులో సోనూసూద్ మ‌రింత అల్ల‌రి చేశాడ‌ట. ప్ర‌భుదేవా ద‌ర్శ‌క‌త్వంలో రూపొందుతున్న సినిమా ఇది. సోనూ కోసం ప్ర‌భుదేవా ప్ర‌త్యేక‌మైన నృత్యాలు డిజైన్ చేయించిన‌ట్టు స‌మాచారం.
ఆ విష‌యంపై సోనూసూద్ మాట్లాడుతూ… “ఐటెమ్‌బాయ్ అనిపించుకోవ‌డం కొత్త‌గా ఉంది. ఇలాంటి పాట‌ల్లో న‌టించ‌డం భిన్న‌మైన అనుభ‌వం. ‘ర్యాంబో రాజ్‌కుమార్‌`లో పాట అంద‌రినీ ఆక‌ట్టుకొనేలా ఉంటుంది. షాహిద్ క‌పూర్ మంచి డ్యాన్స‌ర్‌. త‌నతో క‌లిసి డ్యాన్స్ చేశాను. ఈ చిత్రంకోసం ప్ర‌భుదేవాతో క‌లిసి ప‌నిచేయ‌డం ఎప్ప‌టికి మ‌రిచిపోలేను” అని చెప్పుకొచ్చారు.
