త్రివిక్రమ్ రాసిన పంచులు ముందుగానే పేలాయి. అంద‌రూ చూడు సిద్ధప్పా... అంటూ పంచులేసుకొంటున్నారు. సినిమా విడుద‌ల‌కు ముందుగానే వినోదాలు ఆస్వాదిస్తున్నారు. ఆ సంభాష‌ణ‌లు థియేట‌ర్లలో మ‌రింత అద్భుతంగా వినిపించాయ‌ట. ఆగ‌స్టు9న విడుద‌ల‌వుతున్న ఈ సినిమా గురించి యువ‌త‌రంలో మంచి ఆసక్తి ఉంది. మ‌రి వారి అంచ‌నాల‌ను ఏమేర‌కు రీచ్ అవుతుందో చూడాలి.
ఇందులో క‌థానాయిక‌లుగా స‌మంత, ప్రణీత న‌టించారు. వారిని తెర‌పై చూపించిన విధానం ప్రేక్షకుల‌కు త‌ప్పకుండా న‌చ్చుతుంద‌ని అంటున్నారు. ప్రణీత ఇప్పటికే నేను బాపుబొమ్మలా అందంగా కనిపిస్తానని చెబుతోంది. స‌మంతకి ఇక తిరుగేలేదు. అమ్మడు తెర‌పై మ‌రింత అందంగా కనిపిస్తానని చెబుతోంది. ఈ సినిమాకోసం క‌థానాయ‌కుడి ద‌గ్గర్నుంచి నిర్మాత వ‌ర‌కు అంద‌రూ క‌లిసి క‌ట్టుగా కృషి చేశారు. ద‌ర్శకుడు, స‌మంత మిన‌హా మిగ‌తా అంద‌రికీ విజ‌యం అత్యవ‌స‌రం. గ‌త ప‌రాభ‌వాల్ని మ‌రిచిపోవాలంటే కొత్తగా ఈ సినిమా రావాల్సిందే. విజ‌యం సాధించాల్సిందే.
